Այս պահին իրավիճակը շփման գծում կայուն է: Այս մասին NEWS.am-ի հետ զրույցում նշել է Արցախի Անվտանգության խորհրդի քարտուղար Վիտալի Բալասանյանը:
«Բոլոր ուղղություններով էլ իրավիճակը նորմալ է: Գանձասարը սահմանից 100 կմ հեռու է: Հետեւեք պաշտոնական հաղորդագրություններին»,-ասել է նա:
Հիշեցնենք, որ աօգոստոսի 1-ին, ժամը 09:00-ից սկսած, Արցախի Հանրապետության հյուսիսային եւ հյուսիս-արեւմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Հայկական կողմից դիրքային եւ մարդկային կորուստներ չկան: Կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը։
