Հայազգի հանրահայտ իրավաբան եւ գործարար Ռոբերտ Քարդաշյանը փետրվարի 22-ին կդառնար 79 տարեկան։ Նրա ծննդյան օրվա առթիվ ընտանիքի անդամները նրա հետ կապված ամենաջերմ ակնթարթներով կիսվել են ինստագրամյան էջերում։ Նախկին կինը՝ Քրիս Ջենները, տեսանյութ է հրապարակել՝ Ռոբերտի ու երեխաների մասնակցությամբ, Քորթնին ու Ռոբը կիսվել են արխիվային լուսանկարներով, սակայն ամենահուզիչը, թերեւս, դստեր՝ Քիմ Քարդաշյանի գրառումն է։ Աշխարհահռչակ հայուհին վերհիշել է հոր հետ ամենաջերմ կադրերից մի քանիսն ու պատմել, թե որքան է կարոտել նրան։
Посмотреть эту публикацию в Instagram
«Շնորհավոր ծնունդդ, հայրիկ։ Գրեթե, հասել ենք մի կետի, որ քեզ հիմա ավելի շատ հիշում եմ, քան ճանաչել եմ։ 20 տարի է անցել այն օրվանից, երբ վերջին անգամ քեզ հետ տոնեցինք քո երկրային ծնունդը։ Բայց ես աշխարհի ամենալավ հայրն եմ ունեցել եւ ինձ այնքան բախտավոր եմ համարում, որ 22 տարի քեզ հետ եմ ապրել։ Այնքան շատ բան կա, որ կցանկանայի քեզ ասել, ցույց տալ, եւ փոքրիկ մարդուկներ կան, որոնց կցանկանայի, որ դու ճանաչեիր։ Աստված իմ, դու նրանց այնքան շատ կսիրեիր։ Փակում եմ աչքերս ու լսում քո ձայնը, հիշում քեզ հետ կապված ամենազվարճալի փոքրիկ դեպքերը, որոնք ինձ շատ են երջանկացնում։ Երբեք չեմ մոռանա դրանք։ Ես, պարզապես, քեզ շատ եմ կարոտել եւ անչափ զգում եմ քո կարիքն այս պահին։ Խնդրում եմ՝ երեւա ինձ երազում։ Քեզ շատ եմ սիրում»,-գրել է Քարդաշյանը։
Посмотреть эту публикацию в Instagram
Ռոբերտ Քարդաշյանը հայտնի էր դարձել, հատկապես, ամերիկացի հանրահայտ ֆուտբոլիս Օ Ջեյ Սիմփսոնի դատապաշտպանը դառնալուց հետո։
Հայազգի իրավաբանը կյանքից հեռացել է 2003 թ-ին, 59 տարեկան հասակում՝ քաղցկեղի հետեւանքով։
Մանրամասն կարդացեք ԱՅՍՏԵՂ
