«Երեկ իմ գործընկերը դատավորի թեկնածուներին հարց տվեց՝ ինչ վեաբերունք ունեն Ադրբեջանում ընթացող դատավարության, հայ գերիների վերաբերյալ։ Սիրելի թեկնածուներ՝ ձեզ արգելվա՞ծ է ասել, որ գերիներ կան Բաքվի բանտերում, շինծու դատավարություն է ընթանում»,- ԱԺ-ում Վճռաբեկ դատարանի քրեական պալատի դատավորի թափուր տեղում ընտրելու համար ԲԴԽ կողմից առաջադրված դատավորներ Լուսինե Աբգարյանի, Արմեն Դանիելյանի և Նելլի Բաղդասարյանի թեկնածությունները քննարկելիս՝ իր ելույթում ասաց «Հայաստան» խմբակցության պատգամավոր Քրիստինե Վարդանյանը։
Նրան զարմացրել է դատավորների պատասխանները. «Ի՞նչ է նշանակում՝ Հայաստանի Հանրապետության դատավոր եմ, կաշկանդված եմ ՀՀ օրենքներով։ Ի՞նչ էր տեղի ունենալու, որ ասեիք՝ ցավում եմ Բաքվում ընթացող շինծու դատավարութան համար, մեր գերիները պետք է օր առաջ վերադառնան։ Ալիևը զանգելու էր, ասել՝ դուք ռևանշիստնե՞ր եք։ Կարմիր գծեր կա՞ն, թե՞ չկան»։
Ընդդիմադիր պատգամավորի ելույթն ամբողջությամբ՝ տեսանյութում։
