Լրահոս

1981-1996 թվականներին ծնվածներն ավելի կարճ կապրեն, քան նախորդ սերունդը. գիտական հետազոտություն

1981-1996 թվականներին ծնվածներն ավելի կարճ կապրեն, քան նախորդ սերունդը. գիտական հետազոտություն

Այսպես կոչված, միլենիալների սերունդը, որ ծնվել է 1981-1996 թվականներին, ավելի թույլ առողջություն ունի, քան նախորդ սերունդը, եւ ամենայն հավանականությամբ, կյանքի ավելի կարճ տեւողություն կունենա: Այսպիսի եզրակացության է եկել ԱՄՆ Blue Cross Blue Shield Association բժշկական ապահովագրողների ասոցիացիան: Մասնագետներն իրենց զեկույցը հրապարակել են կազմակերպության կայքում:

Մասնագետների խոսքով՝ միլենիալները ավելի վաղ են սկսում տառապել հիպերտոնիայով, խոլեստերինի բարձր մակարդակով, դեպրեսիայով եւ ծխելու հետեւանքներով, քան նախորդ սերնդի ներկայացուցիչները: Իսկ մահացության մակարդակը միլենիալների շրջանում աճել է 40 տոկոսով՝ այսպես կոչված, Х սերնդի համեմատությամբ, այսինքն՝ մարդկանց, որոնք ծնվել են 1965-1979 թվականներին:

Մասնագետների կանխատեսումներով՝ մոտ ապագայում զգալիորեն կաճեն առողջապահության ծախսերը. միլենիալների վրա ստիպված կլինեն ծախսել 33 տոկոսով ավելի, քան Х սերնդի համապատասխան տարիքի ներկայացուցիչների վրա:

Ավելին՝ 1981-1996 թվականներին ծնված մարդկանց առողջության վատթարացումը կառաջացնի գործազրկություն, տնտեսական աճի անկում եւ բնակչության մեկ շնչի համար տարեկան կարժենա մոտ 4500 դոլար:

Մեկնաբանություններ