Լրահոս

Ամստերդամում «Կարմիր լապտերների փողոց» այցելությունները կարգելվեն

Ամստերդամում «Կարմիր լապտերների փողոց» այցելությունները կարգելվեն

Ամստերդամի հայտնի Դե Վալլենայի  «կարմիր լապտերների փողոց» կազմակերպված տուրերը կարգելվեն 2020 թվականի ապրիլի 1-ից։ Արգելքը կտարածվի նաև մի քանի այլ փողոցների վրա, որտեղ կանայք առաջարկում են  սեքսուալ ծառայություններ։  Որոշման մասին հայտնել է  քաղաքի տնտեսական հարցերով ղեկավար Վիկտոր Էվերհարդը։ Նրա խոսքով՝ սեքս-ծառայություններ առաջարկող «աշխատողներին» որպես տեսարժան վայր վերաբերվելն ուղղակի անհարգալից է։ 

Ըստ քաղաքապետարանի տվյալների, ամեն օր քաղաքի այդ հատված այցելում են ավելի քան 115 տուրիստական մեծ խմբեր, ինչից սկսել են դժգոհել նաև Դե Վալլենայի բնակիչները։ 

Առանց թույլտվության տուրերը, որոնք իրենց մեջ ներառում են շատ խիստ կանոններ, կտուգանվեն  190 եվրոյի չափով։ Եթե խախտումը կրկնվի, ապա գիդերը կտուգանվեն արդեն  2500-7000 եվրոյի չափով։ Վերջին տուգանքը՝ գիդին ուղղակի լիցենզիայից զրկումն է։ 

Նոր կանոնները պահանջում են, որ Ամստերդամի կենտրոնում էքսկուրսիաներ անցկացնող գիդերը լիցենզավորվեն, իսկ նրանց տուրիստական խմբերը պետք է բաղկացած լինի 15 մարդուց։ 

Արդեն այսօր, երբ դեռ ուժի մեջ չեն մտել խստացումները, արգելվում է  քաղաքի  շենքերի մուտքերի մոտ, կամուրջների վրա, կամ այլ մարդաշատ վայրերում  ալկոհոլ, թմրադեղեր օգտագործել և իհարկե աղմկել։ 


 


 

Մեկնաբանություններ