Լրահոս

Այսօր սպանված ոստիկան Տիգրան Առաքելյանը 2 երեխա ունի (լուսանկարներ, տեսանյութ)

Այսօր սպանված ոստիկան Տիգրան Առաքելյանը  2 երեխա ունի (լուսանկարներ, տեսանյութ)

Ինչպես արդեն հայտնել ենք, գիշերը՝ ժամը 04․30-ի սահմաններում, ոստիկանության պետական պահպանության գլխավոր վարչության Արաբկիրի պահպանության բաժնի գիշերային ծառայություն իրականացրած կարգախմբերից մեկի ոստիկանները «Հաղթանակ» զբոսայգու մուտքի մոտ նկատել են երկու անձի։ Վերջիններս տեսնելով պարեկային մեքենան փախել են։

Ոստիկանության ծառայողները հետապնդել են նրանց և Ազատության պողոտայում բռնել։ Բռնված անձինք դիմադրել են։ Այդ ընթացքում նրանցից մեկը խլել է ոստիկաններից մեկի հաշվեցուցակային ատրճանակն ու կրակել նրանցից մեկի վրա, ինչպես նաև ատրճանակի բռնակով հարվածել մյուս ոստիկանին։ Վերջիններս դեպքի վայրից դիմել են փախուստի։ Ստացած հրազենային վնասվածքի հետևանքով՝ Արաբկիրի պահպանության բաժնի ոստիկան, 38-ամյա Տիգրան Առաքելյանը մահացել է։

Տիգրան Առաքելյանը ոստիկանության ավագ էր։ Ծնվել է 1981թ-ի սեպտեմբերի 22-ին Արարատի մարզի Արգավանդ գյուղում։ Սովորել է Երևանի պետական համալսարանում։ 

Տիգրան Առաքելյանը ամուսնացած է,  ունի անչափահաս 2 երեխա՝ տղա և աղջիկ։

Լուսանկարները՝ Տիգրան Առաքելյանի ֆեյսբուքյան էջից.


 


 


 


 

Մեկնաբանություններ