Լրահոս

Չեխովի անվան դպրոցի տնօրենը ծնողներից զուգարանի թուղթ ու անձեռոցիկ է պահանջում. ծնողներն ահազանգում են

Չեխովի անվան դպրոցի տնօրենը ծնողներից զուգարանի թուղթ ու անձեռոցիկ է պահանջում. ծնողներն ահազանգում են

Լրագրող Հասմիկ Դիլանյանը ֆեյսբուքյան իր էջում գրել է. «Չեխովի անվան դպրոցում 6/6դասարանը մինչև տարեվերջ պետք է հոգա իրենց հարկի զուգարանի թղթի ու անձեռոցիկի պահանջը։ Տնօրենը այս դասարանի ծնողներին պարտադրել է շաբաթը երկու անգամ անձեռոցիկ ու զուգարանի թուղթ բերել։ Լուրը ծնողներին հասել է դասղեկի ու ծնող կոմիտեի միջոցով»։

ArmDaily.am-ի հետ զրույցում ԿԳՄՍ նախարարության հանրակրթության վարչության պետ Աշոտ Արշակյանը նշեց, որ դա իրենց իրավասության տակ չէ, դիմենք Երևանի քաղաքապետարանին. «Բազմիցս մենք դրա վերաբերյալ գրություններ, շրջաբերականներ ենք ուղարկել։ Դիմեք քաղաքապետարանին, եթե դա իրոք փաստերով է, թող համապատասխան միջոցներ ձեռնարկեն։ Եթե մի մարդու գործատուն քաղաքապետարանն է, ապա տնօրենի նկատմամբ միջոց ինքը պետք է ձեռնարկի։ Նախարարությունն ընդհանուր քաղաքականության համար դա որդեգրել է և բոլորին շրջաբերականներ է ուղարկել, որ զերծ մնան նման դեպքերից, ավելին, որ նման դեպքերում ձեռնարկեն միջոցներ»։

Մեկնաբանություններ