Լրահոս

Ձեր վայրկյան առաջ հեռանալը մեզ կօգնի երկիրը փրկել․ կորոնավիրուսից աղետալի վիճակից բացի ԵՄ ԱԱԳ սև ցուցակում ընդգրկվելը ևս մեկ խայտառակ գույն է ձեր դեմքին․ Արփինե Հովհաննիսյանը՝ իշխանություններին

Ձեր վայրկյան առաջ հեռանալը մեզ կօգնի երկիրը փրկել․ կորոնավիրուսից աղետալի վիճակից բացի ԵՄ ԱԱԳ սև ցուցակում ընդգրկվելը ևս մեկ խայտառակ գույն է ձեր դեմքին․ Արփինե Հովհաննիսյանը՝ իշխանություններին

«Իրավական կրթություն և վերահսկողություն» ՀԿ նախագահ Արփինե Հովհաննիսյանը ֆեյսբուքյան իր էջում գրառում է կատարել՝ անդրադառնալով  ՀՀ ՔԱԿ-ի՝ ԵՄ Ավիացիոն Անվտանգության Գործակալության սև ցուցակում ընդգրկվելուն և երկրում կորոնավիրուսով պայմանավորված իրավիճակին։ Նա մասնավորապես գրել է, որ կորոնավիրուսի աղետալի վիճակից բացի սև ցուցակում ընդգրկվելը ևս մեկ խայտառակ գույն է իշխանության դեմքի վրա։ Հովհաննիսյանի գրառումը՝ ստորև․

«Եվրոպական հանձնաժողովը Եվրոպական միության ավիացիոն անվտանգության գործակալության զեկույցի հիման վրա այսօր հրապարակեց այն կազմակերպությունների ցուցակը (սեւ ցուցակը), որոնք իրավունք չունեն թռիչքներ իրականացնել Եվրոպական միության տարածքում։ Սրանց թվում են ՀՀ-ում գրանցված բոլոր ավիաընկերությունները, ուղղաթիռ ու անգամ.... օդապարիկ։

Որ ասում ենք գրագետ ու պրոֆեսիոնալ չեք՝ վիրավորվում եք, որ ասում ենք հանցավորության աստիճանի ինքնավստահ եք՝ նեղվում եք, որ ասում ենք պետական կառավարումից 0 գիտելիք, փորձ ու պատկերացում ունեք, սկսում եք ձեր ձանձրալի հեքիաթը նախկինների մասին։ Կորոնավիրուսի աղետալի վիճակից բացի սա եւս մեկ խայտառակ գույն է ձեր անգրագետ դեմքի վրա։

Ձեր վայրկյան առաջ հեռանալը մեզ կօգնի երկիրը փրկել: Դիլետանտները աղետ են։ Պոպուլիստ դիլետանտները՝ առավել։

Այ սրա համար կարելի է քննադատել Տաթեւիկ Ռեւազյանին, բայց ավելի շատ՝ Փաշինյան Նիկոլին, ով մտածեց, որ պետությունը «բամբասանք» տարածող թերթի խմբագրություն է, ինքն էլ եղած լրագրողներից ամենաճարպիկը, ուստի պիտի խմբագիր (վարչապետ) աշխատի։

Զեկույցում հստակ գրված է պատճառը՝ «Այդ պետությունների ավիացիոն իշխանությունների կողմից անվտանգության ոչ պատշաճ վերահսկողության պատճառով»։

Հանկարծ չշփոթվեք հա՝ ձեր պատճառով։

Հ.Գ. Կորոնավիրուսի մասով՝ շտապ պետք է երկրում 10-14 օրով շատ խիստ կարանտին մտցնել՝ հոգալով մարդկանց կոմունալների, վարկերի ու աշխատավարձի խնդիրը։ Ձեր ձախողումներն այս դեպքում մարդկային կյանքեր են արժենում։ Մեր առջեւ սահմաններ են փակվում։ Մի հապաղեք։ Այս խնդիրն ինքն իրեն չի լուծվելու»։

Մեկնաբանություններ