Լրահոս

ՀԱՊԿ գլխավոր քարտուղար. Կազմակերպությունում կարծում են, որ Լեռնային Ղարաբաղի հակամարտությունը չի տեղափոխվի Հայաստանի տարածք

ՀԱՊԿ գլխավոր քարտուղար. Կազմակերպությունում կարծում են, որ Լեռնային Ղարաբաղի հակամարտությունը չի տեղափոխվի Հայաստանի տարածք

Ադրբեջանը հարված չի հասցնի Հայաստանի տարածքին, քանի որ այդ երկրին տարածքային պահանջներ չունի և չի հավակնում նրա ամբողջականության խարխլմանը, հայտարարել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը:

«Համոզված եմ, որ իրավիճակի նման զարգացում տեղի չի ունենա: Ինչո՞ւ: Ադրբեջանը տարածքային պահանջներ չունի Հայաստանից և չի հավակնում նրա տարածքային ամբողջականության խարխլմանը: Երկրորդ՝ ինձ թվում է, որ այնտեղ կա գիտակցում և ժողովրդի առաջ պատասխանատվություն, որ դա անմիջապես կփոխի իրավիճակը», - հինգշաբթի լրագրողներին ասաց Զասը:

Նա նաև նշել է, որ ադրբեջանցի և հայ քաղաքական ու ռազմական գործիչների ողջամտությունը թույլ չի տա հակամարտության սրումը հասցնել նոր մակարդակի:

«Հիմա այնտեղ հակամարտություն է ու համաշխարհային հանրությունն ունի համապատասխան վերաբերմունք և գնահատական: Եթե դա հիմա տեղի ունենա, ապա, իհարկե, ամեն ինչ կփոխվի: Կարծում եմ՝ ո՛չ Ադրբեջանի, ո՛չ Հայաստանի, ո՛չ էլ այլ երկրի պետք չէ, որ հակամարտությունը վերաճի տարածաշրջանային մակարդակի: Հետևաբար, ես այստեղ նման սցենար չեմ տեսնում», - ընդգծել է Զասը:

Մեկնաբանություններ