Լրահոս

Կորոնավիրուսի համավարակի հետ կապված մեր գործերը լավ չեն․ Նիկոլ Փաշինյան (Տեսանյութ)

Կորոնավիրուսի համավարակի հետ կապված մեր գործերը լավ չեն․ Նիկոլ Փաշինյան (Տեսանյութ)

ՀՀ վարչապետ Նիկոլ Փաշինյանը կառավարության այսօրվա նիստին ներկայացրեց կորոնավիրուսով պայմանավորված երկրում ստեղծված իրավիճակը: Նա նշեց, որ մեկ օրում ՀՀ-ում գրանցվել է կորոնավիրուսով վարակվելու 335 դեպք, մահացել է 3 քաղաքացի: 

«Կորոնավիրուսի համավարակի հետ կապված մեր գործերը լավ չեն»,-ասաց վարչապետը՝ նշելով, նաև, որ իրավիճակը շատ ավելի լուրջ է, քան պատկերացնում ենք: 

«Պետք է խստագույն միջոցներ ձեռնարկել՝ համավարակը հսկողության տակ առնելու համար, որպեսզի ստիպված չլինենք նորից գնալ ամենածայրահեղ սահմանափակումների: Ներկա փուլում պետք է կարողանանք ապահովել կարանտինային պայմաններ՝ առանց կարանտին հայտարարելու»,- ասաց վարչապետը՝ նշելով, որ ոստիկանությունն ու պարետատունը պետք է խստացնեն վերահսկողությունը:

Նիկոլ Փաշինյանը նաև նշեց, որ քաղաքացիների դժգոհությունը ճիշտ է՝  որ եթե փակ տարածքներում դիմակ կրելը պարտադիր է, ապա ինչո՞ւ Կառավարության քննարկումների ժամանակ այդ պայմանը չի պահվում: Նա նշեց, որ կառավարման մարմիններում աշխատակիցներն առանց դիմակի կարող են լինել միայն այն ժամանակ, երբ իրենց աշխատասենյակում միայնակ են: Մնացած բոլոր դեպքերում պետք է անպայման կրել դիմակներ: Կառավարության միջանցքներում և ճաշարաններում պետք է ապահովել պայմաններ սոցիալական հեռավորություն ապահովելու համար:

Վարչապետը նաև ընդգծեց, որ այսուհետ անցնելու են ինտեսիվ աշխատանքային ռեժիմի: Ոստկանութոյւնը ևս պետք է անցնի ավելի խիստ հսկողության, քանի որ տաքսիների մեջ հաճախ ո´չ հաճախորդների, ո´չ վարորդների կողմից չեն պահվում անվտանգության կանոնները: 

Մեկնաբանություններ