Լրահոս

Լոֆերներ, մոնքիներ և կոշիկների այլ «վախենալու» անուններ. իմացեք, որը որ կոշիկի անունն է (լուսանկարներ)

Լոֆերներ, մոնքիներ և կոշիկների այլ «վախենալու» անուններ. իմացեք, որը որ կոշիկի անունն է (լուսանկարներ)

Չենք հասցնում նորաձևության մի թրենդից անցում կատարել մյուսին, սովորել, հարմարվել, երբ ի հայտ են գալիս նորերը: Հիմա էլ կոշիկներին են սկսել տարօրինակ անուններ տալ՝ լոֆերներ կամ թե օքսֆորդներ...ինչպես հասկանալ որն ինչ է, որպեսզի քիչ թե շատ նորմալ կոշիկի խանութներում անտեղյակի տպավորություն չթողնենք ու խայտառակ չլինենք: 

Եվ այսպես՝ ձեզ ենք ներկայացնում թրենդային կոշիկների անուններ: Սովորեք տարբերակել և երբեք մի հայտնվեք անհարմար իրավիճակում: 

Լոֆերներ

Առանց կոշիկի թելերի ու ամրակների կոշիկներ, մի փոքր կրունկով: Լոֆերները ստեղծվել են դեռևս  20-րդ դարում և հարմարավետության շնորհիվ լայն տարածում գտել: Բայց դրանք ամենաշատը հանրահայտ են դարձել  80-ականներին, երբ աշխարհահռչակ դիզայներ Գուչին լոֆերների վրա ավելացրել երկաթե փոքրիկ զարդ: Այդպիսով լոֆերները համալրել են  էլիտար խավի ամենասիրելի ու անբաժանելի կոշիկների շարքերը: 

Չելսիներ

Ուղիղ ներբանով կոշիկներ փոքրիկ կրունկով, բարձրությունը կոճից վերև, կոշիկի ծայրը սուր և կլորավուն: Չելսին մյուս կոշիկներից առանձնանում է նրանով, որ աջ և ձախ կողմերում ռեզինե կտորներ կան, իսկ անունը ձեռք է բերել Լոնդոնում՝ իր ծագման վայրից:  


Օքսֆորդներ 

Իր անվանումը կոշիկը ստացել է Օքսֆորդի համալսարանի ուսանողներից:  19-րդ դարում երիտասարդները այդ ժամանակվա դասական կոշիկների մեջ փոփոխություններ մտցրեցին, և արդյունքում ստացվեց  նոր կոշիկներ, որոնք անվանեցին օքսֆորդներ: Օքսֆորդների առանձնահատկությունը կայանում է նրանում որ դրանք ունեն փակ քուղակապեր և հարթ ռեզինե ներբաններ: 

Մոնկի

Հարթ կաշի, ճարմանդներ, ոչ մի թելեր կամ ամրակներ: 12-րդ դարում Մոնկիները այս կոշիկը գնահատեցին իր հարմարավետության և  ավելորդ դետալներ չունենալու համար: Այսօր մոնկին շատ տարածված  կոշիկ է համարվում ողջ աշխարհում և այն գնում են ոչ միայն հարմարվետության, այլ նաև նորաձև երևալու համար: 

Սլիփոններ

Սլիփոնները ստեղծվել է 1977 թվականին և օգտագործվել են որպես սպորտային կոշիկներ: Հետագայում սլիփոնների մակերսները նկարազարդեցին, կտորներ ու կաշիներ օգտագործեցին ու արդյունքում այն մեծ տարածում գտավ ողջ աշխարհում որպես հարմարավետ կոշիկ թե ամենօրյա գործերում և թե հատուկ առիթների համար: 
 


 

Մեկնաբանություններ