Լրահոս

Մարմնի 5 հատվածներ, որտեղ խորհուրդ չեն տրվում դաջվածքներ անել (լուսանկարներ)

Մարմնի 5 հատվածներ, որտեղ խորհուրդ չեն տրվում դաջվածքներ անել  (լուսանկարներ)

Դաջվածքներ անողները միշտ էլ ցանկանում են, որ այն միշտ թարմ տեսք ունենա և երկար պահպանի իր առաջնային տեսքը։ Բայց քչերն են մտածում, որ մարմնի որոշ հատվածներում դաջվածքներ անելուց ավելի լավ է հրաժարվել։

Մասնագետները խորհուրդ չեն տալիս դաջվածքներ անել այն հատվածներում, որոնք ավելի շատ են գտնվում արևի տակ և շատ են շփվում տարբեր իրերի հետ։

Ահա այն հատվածները, որտեղ  մասնագետները խորհուրդ չեն տալիս  դաջվածքներ անել։ 

1. Ձեռքի ափ

Ձեռքի ափի մաշկը բավական կոշտ է, որպեսզի որևէ նկար երկար ժամանակ իր առաջնային տեսքով պահպանվի և թարմ տեսք ունենա։ Բացի այդ մարմնի այդ հատվածը ամենաշատն է առօրյայում առչնվում տարբեր իրերի հետ, և ժամանակի ընթացքում այդ վայրում արված դաջածքը կորցնում է տեսքն ու  երբեմն լաքայի տպավորություն թողնում։

2. Ձեռքեր

Մարմնի այս հատվածը այնքան էլ հարմար վայր չէ դաջվածքների համար։ Քանի որ այդ հատվածը ամենաշատն է գտնվում արևի ուղիղ ճառագայթների ներքո, իսկ արդունքում արված դաջվածքը սկսում է խամրել։ Բացի այդ այդ հատվածում դաջվածքի համար ընտրված գույնը երբեք նույնը չի լինում դաջելուց հետո։ 

3. Ոտնաթաթ.

Ոտնաթաթի վրա արված դաջվածքը թեև գեղեցիկ է, սակայն այն համարյա ամեն օր առնչվում  է գուլպաների և զուգագուլպաների հետ և ժամանակի ընթացքում նկարը սկսում է խամրել։

4. Արմունկներ 

Մարմնի այն հատվածը, որն անընդհատ ծալվում է, պետք չէ դաջվածքներ անել։  Այդ հատվածներից են նաև ծնկներն ու  թևատակերը։

5. Ուսեր

Երևի թե ուսերը դաջվածքներ անելու  մարմնի ամենատարածված հատված են, բայց քչերն են մտածում, որ այդ հատվածը շատ է օգտագործվում ուսապարկեր, տարբեր պայուսակներ կրելու համար։ Եվ այդ հատվածում արված դաջվածքները՝ առնչվելով «օտար մարմինների» հետ ժամանակի ընթացքում սկսում են խամրել։

Այնուամենայնիվ, եթե ընտրել եք մարմնի վերը թվարկած հատվածները դաջվածքներ անելու համար, որպեսզի այն երկար պահպանվի և թարմ տեսք ունենա, խորհուրդ է տրվում  պահպանել մի քանի կարևոր կանոն՝ հաճախ տարբեր քսուկներով խոնավեցրեք այդ հատվածը, աշխատեք դաջվածք արած հատվածը ուղիղ չառընչվի  արևի ճառագայթների հետ և փորձեք խուսափել կիպ գրկող հագուստներից,  որոնք ժամանակի ընթացքում իրոք խամրեցնում են դաջվածքները։ Նաև հիշեք, որ երիտասարդ տարիքում արված դաջվածքները  նույն տեսքը երբեք չեն ունենա «թոշակի» տարիքին։

Մեկնաբանություններ