Լրահոս

Մարտի 1-ի զոհերի հիշատակին նվիրված հուշարձանը կտեղադրվի Մանկական այգում

Մարտի 1-ի զոհերի հիշատակին նվիրված հուշարձանը  կտեղադրվի Մանկական այգում

Երևանի քաղաքապետարանը Մարտի 1-ի զոհերի հիշատակին նվիրված հուշարձանի նախագծի բաց մրցույթ է հայտարարել, որի հաղթողը 2 մլն դրամ պարգև կստանա։

Մարտի 1-ի զոհերի հիշատակին նվիրված հուշարձանը տեղադրվելու է Երևանի Զաքյան, Բեյրութի և Գրիգոր Լուսավորիչ փողոցներով պարփակված Մանկական այգում։ Այս մասին հայտնում է Երևանի քաղաքապետարանի մամուլի ծառայությունը` ներկայացնելով հուշարձանի նախագծի բաց մրցույթին մասնակցելու պայմանները։



«Հուշարձանի գաղափարական հորինվածքը սահմանափակվելու է ձեռքերի և նշմարվող մարմինների ուրվագծերի համադրությամբ՝ բացառելով ֆիգուրատիվ լուծումները և դիմանկարային նմանությունները, Կրող հարթակի վերնամասում փորագրվելու է հուշարձանի անվանումը. «2008թ. մարտի 1-ի զոհերի հիշատակին»»,– նշված է հայտարարության մեջ։

Մրցութային առաջարկությունները պետք է ներկայացվեն ոչ ուշ, քան 2020թ. հունվարի 15-ը հետևյալ հասցեով` Արգիշտի փողոց հ. 1:

Հանձնաժողովի կողմից լավագույնը ճանաչված գործի հեղինակը պարգևատրվում է 2 մլն դրամով, և գործն իրականացվում է:



 

Մեկնաբանություններ