Լրահոս

Ողբերգական դեպք՝ Տանձուտի ավազահանքում. բունկերում հայտնաբերվել է 22-ամյա աշխատակցի դին

Ողբերգական դեպք՝ Տանձուտի ավազահանքում. բունկերում հայտնաբերվել է 22-ամյա աշխատակցի դին

Մարտի 30-ին ողբերգական դեպք է տեղի ունեցել Արմավիրի մարզում։ Ժամը 02։30-ի սահմանում «Արմավիր» բժշկական կենտրոնից ահազանգ է ստացվել ոստիկանության Արմավիրի բաժին, որ շտապօգնության բրիգադը կանչով մեկնել է Տանձուտ գյուղի ավազահանք, որտեղ բունկերում հայտնաբերել է տղամարդու դի, գրում է shamshyan.com-ը։

Դեպքի վայր ժամանած փրկարարները նշված վայրում գործող «Տնաշին Աշոտ» ՍՊԸ-ին պատկանող հանքարդյունաբերական գործարանի ավազահանքում գտնվող ավազի բունկերի միջից դուրս են բերել Նոր Արմավիր գյուղի բնակիչ, 22-ամյա Ժորա Մարկոսյանի դին։

Դեպքի փաստով Գ. Խարաջանյանի կողմից նյութեր են նախապատրաստվում, նշանակվել են մի շարք փորձաքննություններ, այդ թվում՝ դիակի դատաբժշկական։

Ըստ աղբյուրի՝ մահացածը 1 օր առաջ էր ընդունվել նշված ավազահանքում աշխատանքի։


 

Մեկնաբանություններ