Լրահոս

Զոհեր ունենք ոչ միայն զինվորականների, այլև՝ քաղաքացիական անձանց շրջանում. այս պահին ֆիքսված որևէ իրավիճակ չունենք. Նիկոլ Փաշինյան

Զոհեր ունենք ոչ միայն զինվորականների, այլև՝ քաղաքացիական անձանց շրջանում. այս պահին ֆիքսված որևէ իրավիճակ չունենք. Նիկոլ Փաշինյան

Սա, ըստ էության, Ադրբեջանի փորձն է Արցախի հարցը լուծել ռազմական ճանապարհով և Լեռնային Ղարաբաղը օկուպացնել, և սա ակնհայտ ագրեսիայի գործողություն է, ԱԺ հատուկ նիստում հայտարարեց վարչապետ Նիկոլ Փաշինյանը։

«Հաշվի առնելով այն համգամանքը, որ ստեղծված ռազմաքաղաքական իրավիճակում կա նաև Հայաստանի սահմանների վրա հարձակման անմիջական սպառնալիք, ՀՀ կառավարությունը հայտարարել է ռազմական դրություն և ընդհանուր զորահավաք։ Այս պահի դրությամբ փաստացի իրականացվում է 1-ին շարակարգի՝ մասնակի զորահավաք, բայց մենք որոշել ենք հենց այդպիսի որոշում ընդունել, որպեսզի իրավիճակին օպերատիվ արձագանքելու հնարավորություն ունենանք», - հայտարարեց վարչապետը։

Նա նշեց, որ Արցախի պաշտպանության բանակը շփման գծի ողջ երկայնքով մղում է մարտեր, իրադրությունը լարված է։

«Զոհեր ունենք ոչ միայն զինվորականների, այլև՝ քաղաքացիական անձանց շրջանում։ ՊԲ-ն կատարում է իր առջև դրված խնդիրը՝ կանգնեցնելու Ադրբեջանի հարձակումը և ադրբեջանական ագրեսիան։ Այս պահին ֆիքսված որևէ իրավիճակ չունենք, իրավիճակը գտնվում է զարգացման մեջ և մեր զինվորականներն ասում են, որ իրավիճակը լարված է, բայց վաղ է ամբողջական գնահատական տալու համար», - ասաց Փաշինյանը։

Նրա խոսքով՝ տեղի ունեցածի մեջ ռազմավարական առումով անսպասելի որևէ բան չկա։

Մեկնաբանություններ