Լիրա Ավագյանը Արցախյան առաջին պատերազմում կորցրել է ամուսնուն, երկրորդում՝ կրտսեր որդուն, տունը և Հադրութի Տումի գյուղից տեղափոխվել է Երևան։
Տնից դուրս գալիս ընտանիքը ոչինչ չի վերցրել։ Ասում է՝ իրենց վստահեցնում էին՝ հինգ օրից վերադառնալու են հայրենի գյուղ։ Այսօր Երևանում Լիրա Ավագյանի ընտանիքը բազում խնդիրների առջև է հայտնվել՝ բնակարան ձեռք բերել չի ստացվի, վարձով բնակարանների գները բարձրանում են, իսկ Արցախ վերադառնալ չեն կարող՝ որդին Եռաբլուրում է հողարկավորված։ «Եռաբլուրս չեմ թողնի»,- ասում է տիկին Լիրան։
