Ամառային զորակոչի վերջին օրն է. տղաները մեկնում են ծառայության. աղոթենք նրանց համար🙏

Այսօր ամառային զորակոչի վերջին օրն է:
Պարտադիր ժամկետային զինվորական ծառայության է մեկնում Դիլիջան համայնքի զորակոչիկների վերջին խումբը: Նորակոչիկները Դիլիջան, Հաղարծին, Հովք և Աղավնավանք բնակավայրերից են:
Ավանդույթի համաձայն՝ նորակոչիկներին ծառայության ճանապարհելու արարողությանը ելույթ է ունեցել Տավուշի մարզի տարածքային ստորաբաժանման Դիլիջանի բաժանմունքի պետ Վ. Ոսկանյանը, այնուհետև Դիլիջանի համայնքապետարանի ներկայացուցիչները նվերներ են հանձնել զինակոչիկներին՝ տղաներին մաղթելով խաղաղ ու բարի ծառայություն: