Վեհափառը որոշել է՝ նախագահների հանդիպումների շարունակման դեպքում Հայաաստան հրավիրեл Մեծի Տանն Կիլիկիո կաթողիկոս Արամ 1-ինին, Առաաջին ալիքի եթերում հայտարարեց ՀՀ առաջին նախագահ Լևոն Տեր-Պետրոսյանը՝ անդրադառնալով Վեհափառի և ՀՀ ու Արցախի նախագահների օրեր առաջ կայացած հանդիպմանը։
Նա ասաց, թե Վեհափառի նախաձեռնությունը համարում է ամենալուսավոր կետերից մեկը մեր օրերում։
Տեր-Պետրոսյանն ասաց, թե ինքը նախօրոք պատրաստած է եղել տեքստ, որը պետք է հրապարակվեր հանդիպումից հետո։
Ըստ այդ տեքստի՝ հանդիպման մասնակիցներն օրվա գլխավոր խնդիր են համարում ազգային համախմբան կայացումը և իշխանության ու ընդդիմության միջև կառուցողական երկխոսության սկզբնավորումը։
«Մենք գտնվում ենք այնպիսի ճակատագրական վիճակում, երբ այդ բոլոր նախկին հակասությունները, վեճերը… այնպիսի մի պահ է, որ պահանջում է համատեղ երկխոսության կայացում» , – ասաց Լևոն Տեր-Պետրոսյանը։
Նախկին նախագահն ասաց, թե ոչ ոք ինֆորմացիա չունի, թե այս պահին ինչ գործընթացներ են։
Նրա խոսքով՝ այդ ինֆորմացիային տիրապետում է միայն Նիկոլ Փաշինյանը։
«Նիկոլն ու երևի կուսակցությունից մի երկու հոգի գիտեն ամբողջ ճշմարտությունը։ Որպեսզի լուծումներ գտնենք, պետք է փոխվստահություն առաջացնենք։ Ընդդիմությանմեծ մասը կարծում է, որ եթե կարողանանք Նիկոլից ազատվել, ապա կարող ենք ազատվել ցավոտ լուծումներից. սա միամտություն է» , – հայտարարեց Տեր-Պետրոսյանը։
«Ով էլ գա՝ նույնն է լինելու, գուցե ավելի վատ փաստաթուղթ է ստորագրելու» , – ասաց նա։
Առաջին նախագահն ասաց, թե Փաշինյանն էլ է վախենում ստորագրել այդ փաստաթուղթը. «Ինչ փաստաթուղթ էլ ստորագրի, պիտի ասեն դավաճան»։
