Ղրղզստանի մայրաքաղաք Բիշքեկում շարունակվող սամբոյի աշխարհի առաջնության մրցումային երկրորդ օրը Հայաստանը նվաճեց արծաթե մեդալ։
88 կգ քաշային Դավիթ Գրիգորյանը, հաջորդաբար հաղթելով ֆրանսիացի, վրացի և ադրբեջանցի մրցակիցներին, դուրս եկավ եզրափակիչ, որտեղ ոսկե մեդալի համար պայքարում զիջեց Ռուսաստանի ներկայացուցիչ Սերգեյ Ռյաբովին։
71 կգ քաշային Կառլեն Մահինյանը պարտվեց առաջին գոտեմարտում ու դուրս մնաց պայքարից: Հիշեցնենք, որ մրցումային առաջին օրը 64 կգ քաշային Մաքսիմ Մանուկյանը նվաճել էր բրոնզե մեդալ:
Հայաստանի թիմը 8 մարզիկով է մեկնել աշխարհի առաջնությանը։
