Օկուպացված Արցախի Ակնայի (Աղդամ) շրջանում գործող ռուս-թուրքական համատեղ մոնիտորինգի կենտրոնում թուրք զինվորականների գտնվելու ժամկետը ևս մեկ տարով երկարաձգելու մասին օրինագիծն ընդունվել է թուրքական մեջլիսում։ Այդ մասին հայտնում է TRT Haber-ը։
Օրինագիծը մեջլիսի քննարկմանը և ընդունմանն էր ներկայացրել Թուրքիաայի նախագահ Ռեջեփ Թայիբ Էրդողանը։
Այսպիսով՝ Թուրքիան իր համար «լեգիտիմ» իրավունք ստեղծեց՝ Ադրբեջանի վերահսկողության տակ անցած տարածքներում իր ԶՈՒ ներկայացուցիչների ներկայությունը պահպանելու համար։
