Չինաստանի և Ղրղզստանի սահմանին շարունակվող սեյսմիկ ակտիվության ֆոնին Ալթայի, Օմսկի և Կեմերովոյի շրջաններում հնարավոր են երկրաշարժեր։ Ապագա հետցնցումների վայրերը կանխատեսել է բնապահպան, «Բնական ֆենոմեն» Telegram ալիքի հաղորդավար Օլեգ Շիբեևը, հայտնում է aif.ru-ն։
«Ալթայում հնարավոր են ավելի քան 4 բալ ուժգնությամբ երկրաշարժեր, իսկ Բայկալ լճի հարավում կարող են սկսվել ավելի քան 5 բալ ուժգնությամբ երկրաշարժեր»,- կանխատեսել է փորձագետը։ Շիբեևը չի բացառում, որ սեյսմիկ ակտիվությունը կանցնի նաև Իրանի, Ադրբեջանի տարածք և կհասնի Մերձավոր Արևելք ու Թուրքիա։
Բուն Չինաստանում հնարավոր է ևս մեկ հզոր երկրաշարժ՝ 7,2 և ավելի մագնիտուդով։ Ամենամեծ ռիսկերը, ըստ բնապահպանների կանխատեսումների, կլինեն փետրվարից մարտի կեսերն ընկած ժամանակահատվածում։ Այնուհետև Թուրքիայում կարող են կրկնվել անցյալ տարվա իրադարձությունները։ Շիբեևը նաև ուշադրություն է հրավիրել Կրասնոդարի և Ստավրոպոլի տարածքներին, ինչպես նաև Դաղստանի Բոտլիխի շրջանում տեղի ունեցած մի շարք երկրաշարժերի վրա։ Մասնագետը կարծում է, որ Կասպից ծովի Դաղստանի ափերի մոտ կարող է արտանետվել առնվազն 4 բալ ուժգնությամբ սեյսմիկ էներգիա։
«Այն կշարունակի խաղալ Ազով ծով-Կասպից ծով գծի երկայնքով: Բաքուն պետք է նախապատրաստվի, կարող են նաև ցնցումներ լինել ափերի մոտ»,- զգուշացրել է փորձագետը։
