Վարչապետ Նիկոլ Փաշինյանն այսօր ուշագրավ հայտարարություն արեց ասուլիսի ժամանակ:
«Ես տեսնում էի, որ արտաքին ուժեր կան, որոնք դրդում էին էթնիկ զտումները կազմակերպող հիմնական ուժին ու աջակցում էին, որ ԼՂ հայերը րոպե առաջ դուրս գան»,- հայտարարեց նա:
Ըստ Փաշինյանի` այդ ուժերը հայտարարել էին Հայաստանում իշխանափոխության մեկնարկի մասին:
«Տեսնում էին, որ Հայաստանում իրենց ուժերը չեն հերիքում հեղափոխություն անելու համար, ու նրանց հարկավոր էր թեկուզ Ղարաբաղի գնով ռեսուրս բերել Հայաստան, որ իշխանափոխություն տեղի ունենա»,- ասաց վարչապետը:
Նրա խոսքով` այդ նկրտումները շարունակվում են։