Երևանի նախկին քաղաքապետ Հայկ Մարությանը հաստատել է, որ ժամանակին Ալեն Սիմոնյանը ցանկանում էր դառնալ Երևանի քաղաքապետ ու իրենց հարաբերությունները լարվել են, երբ ինքը դարձավ քաղաքապետ:
«Դա գաղտնիք չէ, Ալենն, այո, ուզում էր ու այդ մասին բոլորը գիտեին: Կուսակցության ներսում էլ կար քննարկում, որ պետք է Ալենը լինի»,- «ԼուրջCast»-ի եթերում ասել է Մարությանը:
Նա նշել է, թե ինքն ու իր թիմն են առաջարկել, որ թույլ տան ինքը դառնա Երևանի քաղաքապետ, առաջարկ են արել ու մեծ դժվարությամբ է առաջարկն անցել ՔՊ-ում:
«Ես կարծում եմ, որ վերը նշված անձը (նկատի ունի Ալեն Սիմոնյանին- Aysor.am) մի փոքր տխրել էր այդ առիթով, բայց ես մտածում եմ, որ դա, երևի թե, ՔՊ-ի միակ ճիշտ որոշումներից էր»,- նշել է Հայկ Մարությանը:
