«Երևանում ամեն ինչ կփոխեի՝ սկսած շինարարությունից մինչև մարդկանց հոգեբանություն». բլից հարցեր Լիկա Մեսրոպյանին

Tert.am Life-ի բլից հարցերին այս անգամ պատասխանել է դերասանուհի Լիկա Մեսրոպյանը:

-Ո՞ր ժամին եք արթնանում ու ինչպե՞ս եք սկսում օրը:

-Արթնանում եմ ժամը 10-ին, քանի որ ամբողջ գիշեր աշխատում եմ մտովի, երբ պառկում եմ քնելու մտքում պլանավորում եմ հաջորդ օրը:

-Ձեր մասին լսած ամենամեծ սուտը:

-Շատ ստեր եմ լսել, բայց քանի որ թեթև եմ վերաբերվում, չեմ հիշում:

-Երևանում Ձեր ամենասիրելի հատվածը:

-Աբովյան փողոցը՝ իմ ծննդավայրը:

-Ո՞ր նկարիչը կուզեիք Ձեզ  նկարեր, ի՞նչ գույներով ու ի՞նչ զգեստով:

— Կուզեի Միքելանջելլոն նկարեր իր գույների ու իր ոճի մեջ:

-Հայտնի լինելը ինչո՞վ է օգնում կամ խանգարում:

-Չի խանգարում, ես ապրում եմ որպես սովորական մարդ, ինքս ինձ հայտնի չեմ համարում:

-Ինչի՞ մասին եք երազում:

-Երազում եմ, որ բոլոր հայերը իրար սիրեն:

-Ի՞նչ տիպի մարդկանց հետ չեք շփվում:

-Թարախ:

-Վատ մեկնաբանություններին ինչպե՞ս եք վերաբերվում:

-Անմիջապես բլոկում եմ և վերջ: Վնասատուներին հեռացնում եմ:

-Ամառային հանգիստը ինչպե՞ս եք պլանավորում:

-Աշխատանքի վայրում:

-Հանդիսատեսը ե՞րբ կրկին կտեսնի Ձեզ բեմում:

-Հնարավոր է մի օր տեսնի:

— Տաքսու մեջ հնչող վատ երաժշտությունը կխնդրե՞ք անջատել:

-Անպայման:

-Ի՞նչ կփոխեիք Երևանում:

-Ամեն ինչ՝ սկսած շինարարությունից, մաքրությունից մինչև մարդկանց հոգեբանություն:

Կարող եք կիսվել սոց․ ցանցերում