Tert.am Life-ի բլից հարցերին այս անգամ պատասխանել է դերասան Գարիկ Սեփխանյանը:
-Ո՞ր ժամին եք արթնանում, ինչպե՞ս եք սկսում օրը:
-Առավոտյան 8-ին եմ միշտ արթնանում, օրը սկսում եմ սուրճով:
-Երևանում Ձեր ամենասիրելի հատվածը:
-Բուսաբանական այգին:
-Ի՞նչ իրավիճակում կարող եք հունից դուրս գալ:
-Ես բնույթով շատ համբերատար մարդ եմ, շատ քիչ եմ հունից դուրս գալիս, բայց լինում են դեպքեր: Անարդար իրավիճակում կարող է նման բան լինել: Չեմ սիրում անարդարություն:
-Եթե տաքսու վարորդը վատ երաժշտություն միացնի, ստիպված կլսե՞ք, թե՞ կխնդրեք անջատել:
-Ես քանի որ սցենարիստ եմ, ինձ համար բոլոր տեսակի երաժշտությունն էլ հետաքրքիր է, կարող եմ մեջը ծիծաղելի բան գտնել ու լսել: Բայց իմ մեքենայի մեջ լավ երաժշտություն եմ միացնում:
-Ձեր կյանքում ի՞նչ փոխեց հայտնի դառնալը:
-Կյանքս փոխվեց: Ես սիրում եմ իմ աշխատանքը, բայց ավելի շատ սիրում եմ սցենար գրել, քան կերպար մարմնավորել:
-Ի՞նչ կփոխեիք մեր քաղաքում:
-Կայանատեղիները (կարմիր գծեր) կուզեի դուրս գար, վճարները դուրս գար, այդքան հարուստ չենք տարեկան 160 հազար վճարենք, որ կայանենք:
— Ձեր սիրած քաղաքական գործիչը:
-Չեմ սիրում Կիմ Չենին:
-Ինչի՞ մասին եք երազում:
-Մեր երկրում խաղաղ երկնքի մասին, որ չմտածենք սահմանի մասին, կռվի մասին, անընդհատ պատերազմի մթնոլորտը չլինի, բոլոր մեր հայրենակիցները վերադառնան հայրենիք:
