Պայծառատես Անի Գրիգորյանը Tema.am-ի զրուցակիցն է:
Տիկին Գրիգորյան, տեղյակ ենք, որ դուք լինելով պայծառատես շատ եք սիրում կարդալ Աստվածաշունչ:Սակայն հասարակության մոտ պայծառատեսների հետ կապված կա այլ կարծրատիպ: Հանդիպե՞լ եք նման կարծիքների:
Ըստ իս հասարակության մեջ կա թյուր ըմբռնում պայծառատեսության և Աստվածաշնչյան գուշակության և մյուս կողմից Աստվածանչյան պայծառատեսության վերաբերյալ, մասնավորապես, եթե մոգերը Աստվածաշնչում գուշակեցին Քրիստոսի ծնունդը, ապա պսյծառատեսներ Մովսեսը և Հովսեփը տեսնելով Աստվածային երազներ դրանք անմիջականորեն իրագործում են: Այլ խոսքով, որևէ հակասություն պայծառատեսության և մյուս կողմից Աստվածաշնչյան գուշակությունների և պայծառատեսության միջև չկան: Ես անընդհատ կարդացել և շարունակելու եմ կարդալ Աստվածաշունչը:
Տարիներ առաջ դուք «6 րդ զգայարան» հաղորդաշարի ընթացքում բացահայտում էիք տարբեր հայտնիների ներկան և ապագան: Տպավորիչ էր Անահիտ Սիմոնյանի մասնակցությամբ հաղորդումը, որի ընթացքում դուք տեսաք նրա և Հայկոյի բաժանությունը, սակայն Անահիտը քմծիծաղով վերաբերեց դրան: Անի, ինչ եք զգում այդ պահին, երբ դուք հստակ տեսնում եք մարդու ապագան, բայց նա դրան լուրջ չի վերաբերվում:
Ցավոք, ես հայտնում եմ այն, ինչ տեսնում եմ ու անկախ նրանից, թե դա դիմացինիս դուր է գալիս, թե ոչ: Երբևէ դրական արձագանք չեմ ակնկալել, իմ հայտնած տեղեկությունների հետ կապված: Պայծառատեսության արձագանքները տարբեր մարդկանց մոտ տարբեր են, ինչը ևս բնական է:
Արդյո՞ք հնարավոր է Ձեզ դիմեն արտերկրից, և ինչ է անհրաժեշտ դրա համար:
Այո, ինձ հնարավոր է դիմել արտերկրից նաև տեսազանգի միջոցով:
Ճիշտ է արդյո՞ք, տարածված այն կարծրատիպը, որ եթե չհավատաս թուղթ ու գրին այն քեզ չի «կպնի»:
Ցանկացած չարակամ կապանք, անկախ դրա գոյությանը հավատալ կամ չհավատալուց գործում է, քանի դեռ այն չի քանդվել:
Ձեզ մոտ գաղտնիությունը պահպանվու՞մ է:
Ինձ մոտ կա և միշտ գործելու է տեղեկատվության գաղտնիությունը, և այն չի կարող դառնալ 3 րդ անձի սեփականությունը, բացի այն, որ ես որպես պայծառատես իրավունք չունեմ այլ մարդկանց ինֆորմացիա փոխանցելու, քանի որ ես գաղտնապահ մարդ եմ:
Լինու՞մ են դեպքեր, երբ չեք ընդունում մարդկանց` հաշվի առնելով նրանց ցանկությունները, և ինչու չէ նաև վանող էներգիան:
Բնականաբար, այո, նման դեպքերը քիչ չեն և միշտ չէ, որ մարդկանց ցանկությունները , էներգետիկ դաշտը համընկնում է իմ հնարավորություններին: Լինում է, որ նման անձանց կամ ընդհանրապես չեմ ընդունում, կամ բացատրում եմ, որ այդ հարցով իրենց օգտակար լինել չեմ կարող:
Այսօր շատ են պայծառատեսները, կարող եք ասել ինչու պետք է մարդիկ ընտրեն հենց Ձեզ և տարբերեն լավը վատից:
Իրականում պայծառատեսներն այդքան էլ շատ չեն և երկար տարիների, քրտնաջան աշխատանքի և ի վերուստ տրված իմ շնորհքի համար մարդիկ շարունակում են ինձ դիմել` բնականաբար տարբերելով վատը լավից:
Խորհուրդ բոլոր այն մարդկանց, ովքեր վատ դրության, կորուստների մեջ են:
Բոլորին ցանկանում եմ հույս, հավատ և սեր: Աստծո գործերն անքննելի են և անելանելի վիճակներ չկան, ուղղակի պետք է գտնել Աստծո կողմից բաց թողնված դուռը:
