Ղազախստանում դատարանի առջև է կանգնել կնոջը դաժան ծեծի ենթարկելու մեջ մեղադրվող տղամարդը, հաղորդում է «Կազինֆորմ»-ը։
Քննիչները պարզել են, որ ամուսինների միջև կոնֆլիկտի պատճառը խանդն է եղել, որի հետևանքով կինը լուրջ վնասվածքներ է ստացել։ Վիճաբանության ժամանակ մեղադրյալը ալկոհոլի ազդեցության տակ է եղել։
Մեղադրյալը խնդրել է փակ նիստ անցկացնել, սակայն նրա խնդրանքը մերժվել է։ Հաջորդ նիստը նշանակվել է դեկտեմբերի 5-ին։
Դեպքը տեղի է ունեցել այս տարվա հուլիսին։ Կենցաղային վեճի ժամանակ ամուսինը դաժանորեն ծեծել է կնոջը, ապա կապել է նրան ձիուց և քարշ տվել տափաստանով մեկ։
Կինը ստացել է բազմաթիվ վնասվածքներ, այդ թվում՝ ուղեղի այտուց, վերջույթների և կոնքի կոտրվածքներ։ Նա հոսպիտալացվել է, սակայն բժիշկները չեն կարողացել փրկել նրա կյանքը։
Տղամարդու դեմ հարուցվել է քրեական գործ՝ ծանր մարմնական վնասվածք հասցնելու համար, սակայն նրա հարազատները պնդում են, որ ավելի լուրջ մեղադրանք առաջադրվի։
