Իրանը հրթիռային հարվածներ է հասցրել Իրաքյան Քրդստանի Էրբիլ օդանավակայանի մոտակայքում գտնվող ամերիկյան զորքերի դիրքերին։ Այս մասին ասվում է բանակի հայտարարության մեջ։
«Այսօր առավոտյան Իրանի Իսլամական Հանրապետության բանակը «երկիր-երկիր» դասի հրթիռներով հարվածներ է հասցրել Էրբիլի օդանավակայանում գտնվող ամերիկյան զորքերի և սիոնիստական ռեժիմի կողմից աջակցվող անջատողական խմբավորումների դիրքերին», – Իրանի պետական ռադիոն մեջբերել է բանակի հայտարարությունը։ Բանակը պնդում է, որ օդանավակայանում տեղակայված են «կարևոր աջակցության և հրամանատարական կենտրոններ», «ռազմական տեխնիկայի լայն տեսականի» և «Իրանի արևմտյան և հյուսիսարևմտյան սահմաններում անկայունության համար պատասխանատու անջատողական խմբավորումների» շտաբները։
