«Այսօրվա իշխանությունները ինչ անում են, դա Ալիևի թելադրած օրակարգի առաջմղումն է»,- լրագրողների հետ զրույցում ասել է Բորիս Մուրազին։
Անդրադառնալով Հանրային հեռուստաընկերությամբ իր մասնակցությամբ հաղորդման հեռարձակմանը՝ Մուրազին նշել է․
«Ուրախ եմ, որ Հանրային հեռուստաընկերությունը չի որոշել եթեր չտալ։ Կարծում եմ՝ և՛ բովանդակային մասը լավն էր, և՛ ՔՊ-ի դաստիարակչական հատվածը»։
Լրագրողի հարցին՝ արդյոք ճիշտ չէր լինի, որ Հանրային հեռուստաընկերությունը չհեռարձակեր իր մասնակցությամբ հաղորդումը, Մուրազին պատասխանել է․
«Հիշեցնեմ, որ վարչապետը Փաշինյանն է, ով մարդկանց կզացնելու մասին հայտարարություններ է անում։ Այսպիսով՝ քանի Փաշինյանը վարչապետ է, ուրիշ տեղից ինչ-որ պահանջներ ունենալը դժվար է»։
