ՀՀ կառավարությունն այսօր` մարտի 3-ին, որոշում է ընդունել` Զինված ուժերի կազմավորման 30-ամյակին նվիրված տոնական միջոցառման կազմակերպման ծախսերի վերաբերյալ։
Տոնական միջոցառումները կարժենան ընդհանուր 15 մլն դրամ, ընդ որում` դրանից ավելի քան 13 միլիոնը կծախսվի «Դվին» հյուրանոցի մեծ դահլիճում հյուրասիրություն կազմակերպելու վրա։
Որոշման նախագծի համաձայն` հյուրասիրությանը կմասնակցի 800 մարդ, որոնցից յուրաքանչյուրի ծախսը գնահատվել է 16․653 դրամ։
Մնացած 4-5 մլն դրամով կտպագրվեն պաստառներ, որոնք կտեղադրվեն Երևանում ու մարզերում, ինչպես նաև մայրուղիներում, կպատրաստվեն մետաղյա կրծքանշաններ։
Այս բոլոր ծախսերը կկատարվեն մեկ անձից գնման ձևով` առանց գնման մրցույթ հայտարարելու։
«Նկատի ունենալով ժամկետների սղությունը, ինչպես նաև ծառայությունների մատուցման հնարավոր խափանումներից խուսափելու անհրաժեշտությունը, նախատեսվում է գնման գործընթացն իրականացնել մեկ անձից»,- ասված է նախագծում: