Եթե ՆԱՏՕ-ի անդամ երկրները որոշում ընդունեն Ուկրաինայի օդային տարածքը ոչ թռիքչային գոտի հայտարարել, կարող է սկսվել Երրորդ համաշխարհային պատերազմ։
Այս մասին ասել է Եվրոպական խորհրդի ղեկավար Շառլ Միշելը CNN-ին։
«Եվրոպական միությունը չի պատերազմում Ռուսաստանի դեմ։ Իրականությունն այն է, որ Ռուսաստանը սկսել է դաժան պատերազմ Ուկրաինայի դեմ։ Ուկրաինան ՆԱՏՕ-ի անդամ չէ, և այդ իսկ պատճառով մենք պետք է լինենք չափազանց զգույշ։ Մենք պետք է ամեն ինչ անենք, բայց հաշվի առնենք, որ Ռուսաստանն ունի միջուկային զենք, և շատ կարևոր է խուսափել Երրորդ համաշխարհային պատերազմից»,- ասել է նա։
Միացյալ Նահանգները չեն պատրաստվում Ուկրաինայի օդային տարածքը դարձնել ոչ թռիչքային, քանի որ այդ քայլը կարող է հանգեցնել Ռուսաստանի հետ պատերազմի, ինչից էլ փորձում է խուսափել Վաշինգթոնը։
Այս մասին էլ լրագրողների հետ զրույցում հայտարարել է Սպիտակ տան մամլո քարտուղար Ջենիֆեր Փսակին։
