Թուրքիայի արտգործնախարար Մևլութ Չավուշօղլուն հայտարարել է Հայաստանի արտգործնախարար Արարատ Միրզոյանի Թուրքիա նոր այցի հնարավորության մասին։
«Այո, հնարավոր է»,- ասել է Չավուշօղլուն A Haber հեռուստաալիքին տված հարցազրույցում։
Նա նաև ասել է, որ Անկարան ցանկանում է կազմակերպել Թուրքիայի, Հայաստանի և Ադրբեջանի արտգործնախարարների հանդիպում։
«Մենք ցանկանում էինք այս հանդիպումը կազմակերպել մարտին Անթալիայում դիվանագիտական ֆորումի շրջանակներում: Չստացվեց։ Բայց առաջարկը բաց է, և Բաքուն դեմ չէ այս հանդիպմանը»,- ասել է Չավուշօղլուն։
