Նիկոլ Փաշինյանը դե՞մ է խաչերին. Վարչապետը կառավարության նիստում հայտարարություն է արել

Հայաստանում տարերային կերպով խաչեր են հայտնվում, մի տեղ պլաստմասե, մի տեղ՝ երկաթի, մի տեղ հին կահույքի կտորներից, կառավարության նիստում այսօր հայտարարեց վարչապետ Նիկոլ Փաշինյանը։

«Պետք է հասկանանք՝ ի՞նչ է կատարվում, և ես հանձնարարական եմ տվել, որպեսզի տեղի ունեցող գործընթացն ուսումնասիրենք և գնահատական տանք» , — ասաց վարչապետը։
Նա ասաց, թե պրոցեսը միշտ չէ, որ քրիստոնեության և հավատի հետ կապ ունի։
«Վստահ չեմ, որ նման նախաձեռնության հեղինակներին եթե ասես Նոր Կտակարանից կամ Աստվածանչից մի բան պատմի՝ կկարողանա պատմել» , — ասաց վարչապետը։