Գաոսյուն քաղաքի բնակիչը ձկնորսության ժամանակ տարօրինակ շիշ տեսավ, որը շատ արագ տեղաշարժվում էր ջրի վրայով: Նա շատ զարմացավ, քանի որ քամի չկար, և գետի ջուրն անշարժ էր:
Վերցնելով շիշը՝ ձկնորսը տեսավ, որ դրան ամրացած է կրիա:
Ինչ-որ մեկը սիլիկոնե սոսնձով շիշը կրիայի պատյանին էր ամրացրել: Այդ մարդը շատ դժվարությամբ, բայց պոկեց շիշը փոքրիկ կենդանուց:
Տղամարդը պատմում է, որ կրիան վաղուց է լողում՝ շիշը պատյանին կպած վիճակում, քանի որ և կրիան, և շիշը ծածկված էին մամուռով:
Ջրի մեջ սուզվելու հնարավորություն չունենալու պատճառով կրիան ի վիճակի չի եղել սնունդ հայթհայթել:
Ձկնորսը հավելեց, որ երբ ինքը կրիային վերադարձրեց ջրի մեջ, վերջինիս համար անսովոր էր առանց շշի լողալը, և նրան որոշ ժամանակ պահանջվեց՝ նախքան ջրի մեջ սուզվելը:
