Ես մասնակից չեմ ո՛չ ԶՊՄԿ-ի գործերին, ո՛չ էլ իմ եղբոր բիզնես գործունեությանը․ Վանեցյան
ԱԱԾ նախկին տնօրեն, «Հայրենիք» կուսակցության առաջնորդ Արթուր Վանեցյանը հայտարարել է, որ իր հորեղբոր որդին՝ Կարեն Վանեցյանը որևէ ապօրինություն չի գործել և ինքը որևէ կապ չունի նրա բիզնես գործունեության հետ։ Այս մասին Վանեցյանը գրել է Ֆեյսբուքի իր էջում։
«Նույնիսկ այդ հոդվածում սևով սպիտակի վրա գրված է, որ նա որևէ ապօրինություն չի գործել»,-գրել է Վանեցյանը:
Նա ընդգծել է, որ իր անվան հիշատակումն ընդամենը աղմուկ ու հնչեղություն ապահովելու և քաղաքական շահարկումներ անելու խնդիր է հետապնդում և հորդորել է այդ փաստին վերաբերվել հումորով:
