Կատարում ընթացող ծանրամարտի Գրան Պրին եզրափակվել է գերծանր քաշային ծանրորդների ելույթով:
Դոհայում ընթացող մրցաշարի գերծանր քաշային կարգում հանդես եկող Հայաստանի ընտրանու անդամ Վարազդատ Լալայանը երկամարտի 441 կգ արդյունքով դարձել է ոսկե մեդալակիր:
Հայաստանի հավաքականից Սիմոն Մարտիրոսյանը երկամարտի 430 կգ արդյունքով երկրորդն է:
Ավելի վաղ Հայաստանի հավաքականից մեդալակիրներ էին դարձել Հռիփսիմե Խուրշուդյանը, Տաթև Հակոբյանը, Գարիկ Կարապետյանը, Դավիթ Հովհաննիսյանը, Անդրանիկ Կարապետյանը, Ալեքսանդր Գրիգորյանը:
Աշխարհի չեմպիոն Լաշա Տալախաձեն և Բահրեյնը ներկայացնող գյումրեցի ծանրորդ Գոռ Մինասյանը չեն մասնակցել այս մրցաշարին:
