Կարելիայի Սեգեժա քաղաքում շաուրմայից թունավորվածների թիվը հասել է 91-ի։ Այս տեղեկությունը բխում է հանրապետության Ռոսպոտրեբնադզորի վարչության հաղորդագրությունից։
«Ընդհանուր առմամբ, Կարելիայի Հանրապետության հիգիենայի և համաճարակաբանության կենտրոնը 91 շտապ ծանուցում է ստացել Սեգեժա քաղաքի բնակիչների շրջանում սուր աղիքային վարակների դեպքերի մասին, այդ թվում՝ 43-ը՝ մինչև 17 տարեկան երեխաների մոտ»,- ասվում է հաղորդագրության մեջ։
Ըստ վերահսկող մարմնի՝ բոլոր տուժածների մոտ հիվանդությունը միջին ծանրության է։ Լաբորատոր հետազոտությունների արդյունքների հիման վրա ախտորոշվել է սալմոնելոզ։ Ներկայումս անցկացվում են սննդամթերքի լրացուցիչ հետազոտություններ։
Նյութի աղբյուր՝ Mediahub․am
