Դեկտեմբերի 18-ին Ադրբեջանից Հայաստան կուղարկվի նավթամթերքի առաջին խմբաքանակը՝ 22 վագոն ԱԻ-95 տեսակի բենզին:
Ադրբեջանական լրատվամիջովների տվյալով՝ արտահանումը բացառապես կոմերցիոն բնույթ է կրում։
Ադրբեջանական նավթամթերքի արտահանման մասին պայմանավորվածությունը ձեռք էր բերվել նոյեմբերի 28-ին փոխվարչապետներ Մհեր Գրիգորյանի և Շահին Մուստաֆաևի հանդիպման ժամանակ:
Փոխվարչապետը հաստատել էր՝ Գաբալայում Ադրբեջանի փոխվարչապետ Շահին Մուստաֆաևի հետ քննարկել են Ադրբեջանից Հայաստան նավթի ու նավթամթերքի արտահանման հարցը:
ՀՀ էկոնոմիկայի նախարար Գևորգ Պապոյանն էլ չէր հերքել լուրը և հավելել էր, որ ադրբեջանական նավթամթերքը Հայաստան ներմուծելու գործընթացն առևտրային գաղտնիք է։
Հիշեցնենք՝ դեկտեմբերի 8-ին Վրաստանի էկոնոմիկայի և կայուն զարգացման նախարարությունը հայտնել էր, որ Վրաստանը տուրքեր չի գանձի դեպի Հայաստան ադրբեջանական նավթամթերքի առաջին տարանցման համար։
