ՀՀ զինված ուժերի համալրման գործընթացի շրջանակում այսօր՝ հուլիսի 30-ին, Բերդ համայնքի զորակոչիկների ևս մի խումբ մեկնել է պարտադիր ժամկետային զինվորական ծառայության:
«Սիրելի՛ զորակոչիկներ, վստահ եմ, որ ծառայելու եք արժանապատվորեն՝ հավատարիմ մնալով զինվորի կոչմանը: Բանակը մեր տունն է, մեր սրբությունը, պատիվն ու ուժը: Հենց ձեր սիրո և կարգապահության շնորհիվ կունենանք ավելի ուժեղ բանակ, առավել հզոր պետություն: Թ՛ող ձեր մայրերի սերն ու աղոթքը հովանի լինեն Ձեզ: Աստված պահապան բոլորիդ: Կեցցե՛ք դուք, և կեցցե՛ Հայոց բանակը»,- իր ելությում նշել է համայնքի ղեկավար Աստղիկ Հակոբյանը:
Զորակոչիկներին խաղաղ ծառայություն և բարի վերադարձ են մաղթել նաև ՀՀ ՊՆ հանրապետական զինվորական կոմիսարիատի Տավուշի մարզի զինվորական կոմիսարիատի Բերդի տարածքային զինվորական կոմիսար Անդրանիկ Բաբայանը, համայնքի ղեկավարի խորհրդական Լեռնիկ Բաբայանը:
