«Մանկական Եվրատեսիլ 2021» երգի միջազգային մրցույթում, որը տեղի ունեցավ դեկտեմբերի 19-ին Ֆրանսիայի մայրաքաղաք Փարիզում, «Քամի քամի» երգով հաղթեց Հայաստանի ներկայացուցիչ Մալենան:
Այս առիթով «Իրավունքը» զրուցել է երգչուհի Արմինե Գրիգորյանի հետ, ով նշել է․
«Ոգևորված և հիացած եմ Մալենայի հաղթանակով: Ես մինչև հաղթանակն էլ հավատում էի, որ հաղթելու է, որովհետև Մալենան իսկապես ամենալավն է: Ապրի ինքը: Հրաշալի հաղթանակ է բերել մեզ` այն էլ այս օրերին: Եվ այն մաղձն ու թույնը, որ թափում են այդ երեխայի գլխին, ամո՛թ իրենց: Նրա հաղթանակը նվիրվում է բոլոր նրանց, ովքեր ուրախացան այդ հաղթանակով: Եվ թող չքաղաքականացնեն: Երբ որ Փաշինյանը Ալիևի հետ ուտում-խմում է, ոչ ոք ոչինչ չի ասում: Բայց երբ որ երեխային մոտենում է ադրբեջանցին և շնորհավորում է, ամբողջ ուժով իրենց նախանձն ու մաղձը թափում են այդ երեխայի վրա: Շնորհավորում եմ Մալենային հաղթանակի կապակցությամբ»:
