Հայաստան-Եվրոպական միություն համագործակցությունը թևակոխել է կարևոր փուլ, և Հայաստանը բարեփոխումների իր օրակարգում առաջնային նշանակություն է տալիս եվրոպական չափանիշներին համահունչ անկախ, արդյունավետ ու հաշվետու դատական համակարգի զարգացմանը, մարդու իրավունքների պաշտպանության ամրապնդմանը և արդարադատության նկատմամբ հանրային վստահության բարձրացմանը։
Արդարադատության նախարարի տեղակալ Աննա Կարապետյանը 7-րդ նիստում ներկայացրել է CEPA-ի նոր ճանապարհային քարտեզը, դրա իրականացման առաջընթացը և իրավական մոտարկման ուղղությամբ կատարված աշխատանքները։
Ի թիվս այլնի՝ նախարարի տեղակալը ներկայացրել է դատաիրավական և քրեակատարողական ոլորտներում իրականացվող բարեփոխումները՝ հատուկ անդրադառնալով մինչդատական կալանքի կիրառման պրակտիկայի կատարելագործմանը, այլընտրանքային խափանման միջոցների ընդլայնմանը, ինչպես նաև այսօր ընդունված Կառավարության ծրագրով նախատեսված առաջնահերթություններին և արդարադատության ոլորտի նոր ռազմավարական փաստաթղթի մշակմանը։
Աղբյուր՝ 24News
Լուսանկար՝ 24News։ Աղբյուրի նյութը
