Արդեն տեղեկացրել ենք, որ այսօր՝ փետրվարի 4-ին, 64 տարեկան հասակում կյանքից հեռացել է ՀՀ ժողովրդական արտիստ, երգահան Արթուր Գրիգորյանը։
Հայտնի է, որ նա արդեն տևական ժամանակ է, ինչ տառապում էր կոկորդի քաղցկեղով, իսկ վերջին շրջանում նրա վիճակն ավելի էր բարդացել։
ՀՀ Ժողովրդական արտիստը հեղինակել է «Այո», «777», «Ասուպ», «Ընծա» մրցանակաբաշխությունները, «Հենց այսպես», «Տես» հեռուստահաղորդումները, «Կանաչ գոտի», «Արցախի ձայներ» նախագծերը, Հայաստանի «Զաքյան» ֆոնդի հովանավորչական ամենամյա հեղինակ-կատարողների մրցանակաբաշխությունը։
Նախաձեռնել և ղեկավարել է Երևանի գեղարվեստա-թատերական ինստիտուտի էստրադային կուրսը։ Հեղինակել է բազմաթիվ երգեր, մանկական մյուզիքլներ, մասսայական միջոցառումներ, փառատոներ, թեմատիկ և էստրադային համերգներ։
