Էդինբուրգի համալսարանի մասնագետները հայտնաբերել են՝ «Պարացետամոլ»-ը մահացու վտանգավոր է։
Այս մասին վկայում են գիտնականների արած ուսումնասիրությունները,- գրում է Circulation ամսագիրը։
Մասնագետների կարծիքով՝ դեղամիջոցի շատ օգտագործման դեպքում կարող է մեծանալ սրտի հիվանդությունների և ուղեղի կաթվածի վտանգը։ Հետազոտություններին մասնակցել են 110 կամավորներ, որոնք բողոքներ են ունեցել արյան բարձր ճնշումից: Նրանցից մի քանիսը օրական չորս անգամ պարացետամոլ են ընդունել, իսկ մյուսները՝ պլացեբո (դեղի տեսքով, բայց բուժիչ հատկություն չունեցող անվնաս նյութ, որը ազդեցություն է ունենում հիվանդի վրա ինքնաներշնչման արդյունքում):
Փորձարկվողների ևս երկու երրորդը դեղամիջոցներ է օգտագործել հիպերտոնիայի դեմ: Արդյունքը ցույց տվեց, որ հիմնականում բարձրացել է հետազոտության մասնակիցների արյան ճնշումը։ Գիտնականները եզրակացրել են, որ դեղամիջոցի կանոնավոր օգտագործումը մոտ 20%-ով մեծացնում է սրտի հիվանդության կամ ուղեղի կաթվածի ռիսկը։ Փորձարկումների ավարտից և դեղամիջոցի դադարեցումից հետո մասնակիցների արյան ճնշումը վերադարձել է իր սկզբնական մակարդակին։
