Զարկերակային գերճնշումն ամենատարածված ու ամենավտանգավոր հիվանդություններից մեկն է, որը մշտական վերահսկողության տակ չպահելու դեպքում կարող է դառնալ մի շարք լուրջ հիվանդությունների, այդ թվում՝ գլխուղեղի կաթվածի զարգացման պատճառ։ Հայտնի է, որ այս խանգարման զարգացմանն են նպաստում ներզատական համակարգի գեղձերի գործառույթների խանգարումը, երիկամների հիվանդությունները, ծխախոտի գործածությունը, սննդակարգում մեծ քանակությամբ կերակրի աղի գործածությունը, սթրեսները, քնի պակասը, կենտոնական նյարդային համակարգի տրավմաներն ու ժառանգական նախատրամադրվածությունը։
Զարկերակային գերճնշման դեպքում մասնագետները որպես կանոն նշանակում են արյան ճնշումը կարգավորող հատուկ դեղամիջոցներ, սակայն կան նաև ոչ պակաս արդյունավետ բնական միջոցներ, որոնք ավելի հասանելի են և չեն առաջացնում կողմնակի բարդություններ։ Ձեր ուշադրությանն ենք ներկայացնում երեք բնական դեղամիջոցի բաղադրատոմս զարկերակային ճնշման կարգավորման ու տատանումների կանխարգելման համար։
2 ճաշի գդալ մասուրի հատապտուղները թրմել երկու բաժակ եռման ջրում, մի փոքր քաղցրացնել մեղրով, այնուհետև բաժանել երկու մասի և խմել օրվա ընթացքում։
1 ճաշի գդալ սև հաղարջի չորացրած հատապտուղներին ավելացնել եռման ջուր և 40 րոպե թրմել թերմոսի մեջ։ Ստացված թուրմը հարկավոր է խմել քնելուց առաջ։
1 ճաշի գդալ խնձորի քացախն ու 1/8 թեյի գդալ կերակրի սոդան ավելացնել մի բաժակ ջրին, խառնել ու խմել ստացված լուծույթը։ Առավել լավ արդյունքի հասնելու համար հարկավոր է այս խառնուրդն ընդունել օրական երկու անգամ։
Այս բնական միջոցները շատ արդյունավետ են և ճիշտ գործածության դեպքում կօգնեն մոռանալ զարկերակային ճնշման տատանումների մասին, սակայն հարկ է հիշել, որ ցանկացած բնական դեղամիջոց օգտագործելուց առաջ հարկավոր է անպայման խորհրդակցել բուժող բժշկի հետ, քանի որ ինքնաբուժությունը կարող է շատ վտանգավոր լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա հստակ ախտորոշել հիվանդությունն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:
