Հենրիխ Մխիթարյանը նոր պայմանագիր ունի. տեսեք, թե որ ակումբում է նա խաղալու

Հայաստանի ազգային հավաքականի նախկին ավագ Հենրիխ Մխիթարյանը մարզական կարիերան կշարունակի «Ինտերում»՝ հաստատել է միլանյան ակումբի գլխավոր գործադիր տնօրեն Ջուզեպե Մարոտան, հայտնում է vnews.am-ը։

«Կարող եմ հաստատել՝ մենք ձեռք ենք բերել Անդրե Օնանային ու Հենրիխ Մխիթարյանին: Գործարքները կայացած են»,- ինսայդեր Ֆաբրիցիո Ռոմանոյի հաղորդմամբ՝ ասել է միլանյան ակումբի տնօրենը:

Մխիթարյանն առաջիկա օրերին կժամանի Միլան, բուժզննում կանցնի և պայմանագիր կկնքի թիմի հետ, իսկ Օնանան արդեն Միլանում է, իսկ բուժզննումն անցել էր հունվարին:

Մարոտան հաստատել է նաև, որ ակումբը բանակցություններ է վարում Լուկակուի և Դիբալայի ձեռքբերման վերաբերյալ:

Հիշեցնենք՝ Հենրիխ Մխիթարյանի և «Ռոմայի» պայմանագիրն ավարտվում է հունիսի 30-ին: