«Ապագա» քաղաքապետ Նատալյա Ռոտենբերգը հիմա էլ որոշել է Երևանի տրանսպորտի հարցը լուծել (Լուսանկարներ)

Տիգրան Արզաքանցյանի կինը՝ Նատալյա Ռոտենբերգը, որ հայտարարել է Երևանի քաղաքապետ դառնալու մտադրության մասին, այժմ էլ որոշել է զբաղվել քաղաքային տրանսպորտի խնդիրներով։

«Երեկոյան զբոսանք Երևանում: Այսօր որոշեցինք ուսումնասիրել հասարակական տրանսպորտի իրավիճակը։ Մենք տեսնում ենք, որ ավելի ու ավելի շատ նոր ավտոբուսներ են հայտնվել քաղաքում, բայց երթուղային տրանսպորտը շարունակում է մնալ տխուր իրավիճակում։ Երթուղայինները լեփ-լեցուն են և մարդիկ կանգնած են անցուղիներում, ինչը խախտում է անվտանգությունը։ Որոշ թաղամասերում հասարակական տրանսպորտի պակաս նույնպես կա։

Խնդիրը հասկանալու համար պետք է ուսումնասիրել այն» , — ֆեյսբուքում գրել է Ռոտենբերգը։