Հուլիսի 10-ին զորակոչային և զորահավաքային համալրման ծառայության Դիլիջանի ստորաբաժանումից ժամկետային ծառայության են մեկնել Դիլիջան, Հաղարծին, Թեղուտ և Խաչարձանի բնակավայրերի երիտասարդները: Արարողությանը ներկա են եղել նորակոչիների ծնողները, հարազատները, համայնքապետարանի աշխատակիցները:
ՀՀ կառավարության ապրիլի 15-ի որոշմամբ` բանակ կզորակոչվեն այն պատանիները, որոնց 18 տարին լրանում է մինչև 2022 թվականի հունիսի 30-ը ներառյալ, ինչպես նաև այն քաղաքացիները, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2022 թվականի հունիսի 30-ը:
Բարի և խաղաղ ծառայություն բոլոր զինվորներին:
