Սպորտային կարատեի աշխարհի և Եվրոպայի չեմպիոն, Հայաստանի կարատեի միության հիմնադիր Կամո Ունանյանը դարձել է ոսկե մեդալակիր։
Չեխիայի Պարդուբիցե քաղաքում սեպտեմբերի 9-11-ը կայացել է WSF վարկածով աշխարհի առաջնությունը, որին մասնակցության հայտ էր ներկայացրել մոտ 67 երկիր:
Այս առաջնությունում Հայաստանը ներկայացրել է Կամո Ունանյանը։
«Իմ քաշային կարգում (-75 կգ) մենամարտել եմ Մարոկոն, Ռումինիան, Հունգարիան, Չեխիան ներկայացնող մարզիկների դեմ, իսկ ադրբեջանցուն ու թուրքին տապալել եմ՝ առանց շանսերի: Ինչպես խոստացել էի՝ ամեն ինչ արել եմ, որպեսզի մեր դրոշը բարձր պահեմ ու այնպես հաղթեմ թուրքին ու ադրբեջանցուն, որ ուզենան ավարտեն իրենց սպորտային կարիերան», – Iravunk.com-ի հետ զրույցում ասել է կրկին աշխարհի չեմպիոն դարձած Ունանյանը:
