ՀՀ պաշտպանության փոխնախարար Արման Սարգսյանը չի բացառում, որ սահմանին կրկին կարող են լինել սադրանքներ:
«Իհարկե, որևէ բան բացառել հնարավոր չէ, բայց եկեք այս պահի դրությամբ գնահատենք, ինչ կտանք, դա ընդունեք իրականություն», — Ազգային ժողովում լրագրողների հետ զրույցում ասաց նա:
Փոխնախարարը հայտնեց, որ առաջնագծում այս պահին իրավիճակը հանգիստ է և լրագրողի դիտարկմանը, թե հակառակորդը մեր տարածքներում տեղակայվել և հենակետեր է դրել, արձագանքեց, որ հայկական կողմն էլ է ինժիներական աշխատանքներ իրականացնում, և երեկվա սադրանքը հենց այդ ինժեներական աշխատանքների ժամանակ է տեղի ունեցել:
Վերջինս հորդորեց հետևել պաշտոնական լրահոսին. «Ցավոք, երեկ ունեցել ենք զոհեր, վիրավորներ, նրանց առողջական վիճակի հետ կապված ևս պարբերաբար տեղեկություններ ենք ներկայացնում»:
