Թուրքիայի առողջապահության նախարար Ֆահրեթթին Քոջան խոսել է Թուրքիայի նախագահ Ռեջեփ Թայիփ Էրդողանի առողջական վիճակի մասին։ Նրա խոսքերը մեջբերել է TRT Haber հեռուստաալիքը:
Նախարարը Էրդողանի առողջական վիճակը շատ լավ է անվանել՝ հավելելով, որ վիրուսի ազդեցությունն օրգանիզմի վրա նվազել է։ «Ես հանդիպեցի նրան, նա իր ողջույններն է ուղարկում: Շատ մոտ ապագայում նա կշարունակի աշխատել»,- ասել է Քոջան։
Հիշեցնենք՝ Էրդողանի ինքնազգացողությունն ուղիղ եթերում կտրուկ վատացել էր ապրիլի 25-ի երեկոյան, եթերն ընդհատվել էր, հայտարարվել էր, թե Թուրքիայի առաջնորդը ստամոքսի հետ կապված թեթև խնդիր ունի մրսածության հետևանքով:
Լրատվամիջոցները, սակայն, երեկվանից հրապարակումներ են անում այն մասին, որ Էրդողանը ինֆարկտ է տարել:
